АДМИН
ОХУ-ын Кемерово мужид коронавирусний улмаас нас барсан гэгдэж байсан нэгэн өвгөнийг хамаатнууд нь оршуулсан байна.
Хөгжлийн бэрхшээлтэй ахмадын асрамжийн газарт амьдардаг байсан тус өвгөний шарилыг хаалттай авсанд хийн хүлээлгэн өгчээ. Коронавирусний халдвар тархахаас сэргийлж авсыг нээж болохгүй тул тэр чигээр нь оршуулсан байна.
Гэвч долоо хоногийн дараа асрамжийн газраас залгаж өвгөнийг амьд гэдгийг ар гэрийнхэнд нь дуулгажээ.
Ахмадын асрамжийн газрын ажилчид алдаа гаргаж, өөр өвчтөний шарилыг андууран өгсөн болохоо тайлбарласан байна. Кузбасс хотын эрүүл мэндийн яам энэ хэргийг шалгаж байгаа юм байна.
Эх сурвалж: Вести
|
Нийгэм
