АДМИН
Завхан аймгийн Дөрвөлжин сумд уул уурхайн үйл ажиллагаа явуулдаг "Баян айраг эксплорэйшн" ХХК 2020 оны 12 сарын 11-ний 08: 00 цагт цианит натри алдсан байна. Үйлдвэрийн цианит дамжуулах хоолой задарч цианиттай уусмал задарсан гэсэн мэдээллийг орон нутгаас баримтжуулан явуулсан бичлэгийг иргэд олон нийтийн сүлжээнд тавьжээ.
Энэ талаар Дөрвөлжин сумын ИТХ-ын дарга Н.Гантогтохоос тодруулахад "Эл хэсэгт Аймгийн Онцгой байдлын алба болон Мэргэжлийн хяналтын баг ажиллаж байна. Нийт цианитын 8 агуулах байсныг лацдаж хаасан. Уурхайн цианит дамжуулах хоолой задарснаас 413 м/кв талбай бүхий хөрсөнд шингэн нэвчээд байна. Мөн 298 м/кв цементэн талбайд асгарсан. Тус газар нь Дөрвөлжин сумаас 22 км-ын зайд оршдог" гэлээ. Мөн тэрээр Нийслэлээс Мэргэжлийн хяналтын баг газар дээр нь очиж ажиллаж буйг хэллээ.
Харин Экологийн цагдаагийн албанаас тодруулахад тус хэргийг шалгаж байна гэсэн юм.
|
Нийгэм
