АДМИН
Урд шөнөөс эхлэн цахилгаан түгээх станцуудад гарсан гэмтлийн талаар УБЦТС ХК-иас тодруулжээ.
Энэ талаар УБЦТС ХК-ийн Хяналт, аюулгүй ажиллагааны хэлтсийн дарга А.Амаржаргал "Нийслэлийн хэмжээнд өчигдрийн байдлаар 766 квт.ц-ны ачаалал авсан байна. Гэр хороололд давамгай ачаалал өссөн. Өнгөрсөн оны мөн үетэй харьцуулбал 18%-аар өссөн. Ачааллын улмаас 1-2 цагийн турш тоггүй болсон. Бид яаралтай арга хэмжээг авсан. Тог цахилгааны ачааллыг Улаанбаатар хотын чиглэлээр авч үзвэл:
-Нисэх, Яармагийн чиглэлд 54%
-Зуслангийн чиглэлд 31%
-Орбит, Толгойт, Их наран чиглэлд 21%
-Улаанхуаран, Амгалан чиглэлд 19%
-Дэнжийн мянга, Хайлааст, Долоон буудал чиглэлд 16%
-Дарь эх, Ганц худаг, 1, 3, 4-р хорооллын чиглэлд 9%-ийн хувиар өссөн.
Өчигдөр шуурхай хуралдаан хийж, хүн хүчээ нэмэх, 24 цагаар ажилладаг бригадуудаа нэмэх, шаардлагатай машин механизм, тоног төхөөрөмжийг хангах, гарах эрсдлийг хэрхэн шийдвэрлэх зэрэг асуудлуудыг шийдвэрлэхээр ажиллаж байна. " гэлээ.
|
Нийгэм
