АДМИН
Увс аймгийн Баруунтуруун сумын Баян-Айраг багийн “Бураагийн эх” гэдэг газар /аймгийн төвөөс зүүн урд зүгт 150 км, сумын төвөөс зүүн хойд зүгт 30 км/-т Малчин П нь нэгдүгээр сарын 10-ны өдрийн 19:00 цагт гэрлүүгээ явганаар гараад сураггүй болсон тухай дуудлагыг мөн өдрийн 23:30 цагт хүлээн авчээ.
Тус аймгийн Онцгой байдлын газрын Гал түймэр унтраах аврах 60 дугаар ангийн алба хаагчид, Баруунтуруун сумын Засаг даргын Тамгын газрын ажилтнууд нэгдүгээр сарын 10-ны өдрийн 20:30 цагаас эхлэн малчин О-н туслах малчин П /50 настай, эрэгтэй/-ийг эрэн хайх ажиллагааг зохион байгуулж Баруунтуруун сумаас зүүн хойд зүгт 35 км-т “Систем” гэдэг газраас 01.11-ний өдрийн 02:55 цагт эсэн мэнд олж сумын Засаг даргад хүлээлгэн өгсөн байна.
Эх сурвалж: ОБЕГ
|
Нийгэм
