АДМИН
Пауэрлифтингийн хэрэглэлтэй Азийн аварга шалгаруулах тэмцээн зургаадугаар сарын 17-21-нд Энэтхэгийн Коимбатур хотод боллоо. Тус тэмцээнд манай улсаас 93 кг-ын жингийн суултын төрөлд ОУХМ М.Галсайхан 367.5 кг өргөж Азийн рекорд тогтоож түрүүлэв. Мөн тэрбээр таталтын төрөлд мөнгөн медалийн эзэн болжээ. Тэгвэл 74 кг-ын жинд Д.Баттогтох штанг газраас татах төрөлд, залуу тамирчин Г.Шинэбаяр таталтын төрөлд, эмэгтэйчүүдийн 69 кг-д ОУХМ М.Солонго нийлбэр дүнгээр тус бүр хүрэл медаль хүртэв.
Сонирхуулахад, пауэрлифтинийн хэвтээ шахалтын Азийн АШТ есдүгээр сарын 7-11-нд Монгол Улсын нийслэл Улаанбаатарт болно.
|
Нийгэм
