"УБТЗ-ын албан тушаалтан "Б" болон хамаарал бүхий этгээдүүдийн гэрээс нийт ₮7.3 тэрбумыг хураан авч, түүнийг баривчилсан" талаар ХЗДХ-ийн сайд Х.Нямбаатар өнгөрсөн долоо хоногт мэдээлсэн. Уг асуудлыг өнөөдөр Баянгол дүүргийн эрүүгийн хэргийн анхан шатны хүүх хэлэлцэж Эрүүгийн хэрэг хянан шийдвэрлэх тухай хуулийн 14.9 дүгээр зүйлийн 1 дэх хэсгийн 1.3 дахь заалтад заасан /  Гэмт хэрэг дахин үйлдэх талаар үндэслэл бүхий баримт  байгаа  бол яллагдагчийг цагдан хорих шийдвэр гаргана / гэснийг   үндэслэн  С.Батдөлийг   1 сарын хугацаагаар цагдан хорихоор шийдвэрлэсэн юм. 

Дээрх асуудалтай холбогдуулан Зам, тээврийн хөгжлийн сайд С.Баямбацогт өөрийн цахим хуудасны байр сууриа илэрхийлжээ. 

УБТЗ-д бугшсан авлигын асуудал 16000 төмөр замчдын маань урмыг хугалсанд үнэхээр харамсаж байна.

Тэрбээр: Энэ асуудлыг үндсээр нь таслан зогсоож, холбоотой бүх этгээдэд хатуу хариуцлага тооцож хуулийн байгууллагад шилжүүлэх болно. ‼️

Мөн төмөр замчдынхаа өнгөрөгч оны үр дүнгийн цалинг 100 % биш 200 %-иар тооцож олго гэсэн чиглэлийг УБТЗ—ын удирдлагад Сайдын шуурхай хуралдаанаар үүрэг болголоо.

Авлигачдад халгаатай, ажилтнууддаа ээлтэй байж Төмөр замын салбар зөв голдрилоор хөгжинө гэв.