Цагдаагийн байгууллагад энэ оны 1 сарын 9-ний өдрийн 19 цагийн орчимд Сонгинохайрхан дүүргийн нутаг дэвсгэрт "Автомашинд хулгай орсон байна" гэх дуудлага мэдээлэл бүртгэгдсэн. Дуудлага мэдээллийн дагуу Сонгинохайрхан дүүргийн цагдаагийн газрын алба хаагчид шалгахад 38 настай эрэгтэй Г-ийн тээврийн хэрэгсэлд 18 настай эрэгтэй М гэгч хууль бусаар нэвтрэн хулгай хийж байсныг үйлдэл дээр нь таслан зогсоож, мөрдөн шалгах ажиллагааг үргэлжлүүлж байна.
Жолооч та өөрийн тээврийн хэрэгслээ зориулалтын зогсоол, гараашинд байрлуулж энэ төрлийн гэмт хэргийн хохирогч болохоос урьдчилан сэргийлээрэй.
АДМИН








Нийгэм






