АДМИН
"Хааны эрэлд-2023" энхийг сахиулах ажиллагааны олон улсын хээрийн сургуулийн төлөвлөлтийн дунд шатны хурал өнөөдөр ЗХЖШ-д зохион байгуулагдлаа.
Энэ жилийн "Хааны эрэлд" сургуулийг Монгол Улсын Зэвсэгт хүчин болон АНУ-ын Номхон далайн цэргийн командлалтай хамтран явуулахаараа онцлог бөгөөд энэ удаагийн хурлаар төлөвлөлт, зохион байгуулалт, сургуулийн үеэр хэрэгжүүлэх арга хэмжээг тодотголоо.
Тус хуралд ЗХЖШ-ын Энхийг дэмжих, цэргийн хамтын ажиллагааны хэлтсийн дарга хурандаа Ж.Молорболд, тасгийн дарга дэд хурандаа Б.Энхцаг, АНУ-ын Номхон далайн цэргийн командлалын Хавай дахь 8 дугаар Цэргийн цагдаагийн бригадын захирагч хурандаа Чарлэс Грийн, сургуулийн удирдагч, тус бригадын штабын дарга дэд хурандаа Жонатан Ясуда, АНУ-аас Монгол Улсад суугаа Элчин сайдын яамны Батлан хамгаалах хамтын ажиллагааны хэлтсийн дарга хошууч Рэнэ Бэн Порт, БНТУ-аас Монгол Улсад суугаа Батлан хамгаалахын атташе хурандаа Өзгүр Назым Унсал, Япон Улсаас Монгол Улсад суугаа Батлан хамгаалахын атташе дэд хурандаа Ирики Ёохэй нар болон бусад албаныхан оролцлоо.
|
Нийгэм
