АДМИН
Өнгөрсөн долоо хоногт Улсын их хурлын чуулганы нэгдсэн хуралдаанаар Үндсэн хуулийн нэмэлт өөрчлөлтийг хэлэлцэж, УИХ нэг танхимтай, 126 гишүүнтэй байх, УИХ-ын сонгуулийг холимог тогтолцоогоор явуулж, гишүүдийн 78-ыг тойргоос, 48-ыг жагсаалтаар сонгох заалтыг эцэслэн баталсан. Тэгвэл өнөөдөр Ерөнхийлөгч У.Хүрэлсүх уг хуулийг ёсчлон баталсан байна.
Олон нийтийн дунд үндсэн хуулийн өөрчлөлтөд Ерөнхийлөгч хориг тавих уу гэсэн хүлээлт үүсээд байсан юм. УИХ-ын чуулганы дэгийн тухай хуульд заасны дагуу Ерөнхийлөгч хуулийг хүлээн авсан өдрөөс хойш ажлын 5 өдөрт багтаан хориг тавих зохицуулалттай.
Гэвч Ерөнхийлөгч У.Хүрэлсүх хориг тавилгүйгээр ёсчлон баталснаар Үндсэн хуулийн өөрчлөлтийн хэрэгжилт хангагдах нөхцөл бүрдэж байна.
|
Нийгэм
