АДМИН
ГЕГ-ын дарга Р.Отгонжаргал Азийн дэд бүтэц, хөрөнгө оруулалтын банкны төлөөлөгч, дэд бүтэц зам тээврийн хөрөнгө оруулалт хариуцсан ахлах мэргэжилтэн Анжен Вэй болон хөрөнгө оруулалтын шинжээч Б.Нами нарыг 2023 оны 11 дүгээр сарын 10-ны өдөр хүлээн авч уулзлаа. Энэхүү уулзалтаар Монгол Улсын холбогдох хилийн боомтуудад хэрэгжүүлэх төслийн талаар санал бодлоо солилцож, Гаалийн ерөнхий газрын зүгээс Монгол Улсын хилийн боомтын хөгжүүлэлтийн талаар товч мэдээлэл танилцуулсан.
Азийн дэд бүтэц, хөрөнгө оруулалтын банк нь 2016 онд үүсгэн байгуулагдсан бөгөөд нийт 209 гишүүн орнуудтай хамтран ажилладаг. Уулзалтын төгсгөлд талууд цаашдын хамтын ажиллагааны талаар ярилцаж, Монгол Улсын гаалийн байгууллага нь Азийн дэд бүтэц, хөрөнгө оруулалтын банкны төлөөлөлтэй уялдаа холбоотой, хамтран ажиллахад бэлэн буйгаа илэрхийллээ.
|
Нийгэм
