Соёлын яамнаас 11 дүгээр сарын турш хэрэгжүүлж буй "Соёлын бүтээлч сар" аян болон "Соёлын эрхийн бичгийн тандалт судалгаа"-ны ажлын хүрээнд DGL Хөгжмийн академи, Сонгинохайрхан дүүргийн соёлын ордон, дүүргийн боловсролын хэлтэс хамтран Соёлын яам, Нийслэлийн Соёл, урлагийн газрын дэмжлэгтэйгээр "Хөгжимлөг үндэсний хөтөлбөр" өдөрлөгийг СХД-ийн ерөнхий боловсролын 9, 143, 74, 153, 162, 122, Хөгжил, Өнөр сургуулиудын дунд, ахлах ангийн 1600 гаруй сурагчийг 11 дүгээр сарын 15-30-ны өдрүүдэд хамруулж байна. 

Өсвөр үеийнхэнд хөгжмийн боловсролыг таниулах зорилготой тус өдөрлөгийн хүрээнд дараах хөтөлбөрүүд зохион байгуулагдаж байна. Үүнд:

1. Хөгжмийн багш нарын workshop хөтөлбөр

- DGL Хөгжмийн академийн ерөнхий захирал, СТА, БТА Гитарчин н.Даваацэрэн- Хөгжмийн тухай ойлголт илтгэл

- Морин хуурын багш: н.Баярбаатар- Морин хуурын анхан шатны сургалт

- Дуулах урлагийн багш: Дуучин н.Нямсүрэн - Дуулах урлагийн танилцуулга, ойлголтын талаарх илтгэл

2. ОЗЗО артист лабелийн уран бүтээлчдийн үзүүлбэр

3. Хөгжмийн боловсролыг таниулах хөгжөөнт тоглоом 

/5 хүүхдийг DGL хөгжмийн академид суралцах эрх/                                                       

/Юкүлэлэ хөгжим, хөгжмийн хэрэгслээр шагнах/

4. "Open stage" нээлттэй тайзны үзүүлбэр