АДМИН
Булган аймгийн Хутаг-Өндөр сумын Хутаг багийн “Хайлантай рашаант” гэдэг газар /аймгийн төвөөс баруун хойд зүгт 115 км, сумын төвөөс зүүн зүгт 15 км/-т ой, хээрийн гал түймэр гарсан гэсэн дуудлагыг гуравдугаар сарын 31-ний өдрийн 15:49 цагт хүлээн авсан. Булган аймгийн Онцгой байдлын газрын Хутаг-Өндөр сум дахь Эрэн хайх, аврах салбарын алба хаагчид сум дундын Цагдаагийн тасгийн экологийн цагдаагаар ахлуулсан ажилтнууд гуравдугаар сарын 31-ний өдрийн 17:09 цагаас эхлэн ой, хээрийн гал түймрийг унтраах ажиллагааг зохион байгуулан ажиллаж мөн өдрийн 18:14 цагт цурамд оруулан дөрөвдүгээр сарын 01-ний өдрийн 09:50 цагт бүрэн унтрааж, Хантай багийн байгаль хамгаалагчид хүлээлгэж өгсөн байна. Түймэрт нийт 3 га /1 га хээр, 2 га ой/ талбай өртөж шатжээ.
|
Нийгэм
