АДМИН
ОБЕГ-ын дэд дарга, бригадын генерал Б.Ууганбаяр Азийн Хөгжлийн банкны Хөдөө аж ахуй, хүнс байгаль орчин болон хөдөөгийн хөгжлийн газрын захирал ноён Жиенфан Зан, тус банкны Байгалийн нөөц, хөдөө аж ахуй хариуцсан ахлах мэргэжилтэн Юкицүгү Янома нарыг өнөөдөр хүлээн авч уулзлаа.
Уулзалтаар Азийн хөгжлийн банкны санхүүжилтээр 2020-2022 онд Монгол Улсад хэрэгжсэн "Гамшгийн зарлан мэдээллийн нэгдсэн тогтолцоог бэхжүүлэх техникийн туслалцааны төсөл" болон цаашид хамтран хэрэгжүүлэх “Монгол Улсад гамшгийн аюулыг зарлан мэдээлэх нэгдсэн тогтолцоог бэхжүүлэх нь зээлийн төсөл”-ийн талаар санал солилцсон юм.
Энэхүү төсөл нь Монгол Улсын гамшгийн бэлэн байдлын чадавхыг бэхжүүлэх, гамшгийн улмаас учрах хохирлыг бууруулах ач холбогдолтой.
|
Нийгэм
