АДМИН
2025 оны тавдугаар сарын 25-ны өдрийн 12:40 цагийн үед БЗД-ийн 27 дугаар хорооны нутаг дэвсгэрт “нас барсан хүн байна” гэх дуудлага мэдээлэл цагдаагийн байгууллагад бүртгэгджээ. Дуудлага мэдээллийн дагуу харьяалах нутаг дэвсгэр болох БЗД-ийн Цагдаагийн газраас хяналт шалгалт хийжээ. 32 настай иргэн Б бусдад зодуулж, биед нь үүссэн олон тооны шарх үүссэний улмаас нас барсан байж болзошгүй нөхцөл байдал тогтоогдсон байна. Тус хэлтсийн алба хаагчид эрэн сурвалжлах ажиллагааг шуурхай зохион байгуулснаар гэмт хэрэг үйлдсэн байж болзошгүй этгээдүүдийг богино хугацаанд олж тогтоон баривчилжээ.
Уг хэргийг 14 настай Э, 15 настай Н, 17 настай Ч нар бүлэглэн үйлдсэн гэж үзэн мөрдөн шалгах ажиллагааг эхлүүлсэн бөгөөд хохирогчийг архины шил шидэж, зодсон нь тухайгаа мэдүүлжээ.
|
Нийгэм
