Боловсролын сайдаар ахлуулсан “Сургуулийн өмнөх боловсролын мэргэжлийн зөвлөл”-ийн гишүүдэд “Сургуулийн өмнөх боловсролын сургалтын үндэсний хөтөлбөр”-ийн шинэчилсэн төслийг танилцууллаа. Зөвлөлийн бүрэлдэхүүнд мэргэжлийн судлаачид, их, дээд сургуулиуд, төрийн болон төрийн бус байгууллагууд, олон улсын байгууллагууд, цэцэрлэгүүдийн төлөөлөл зэрэг олон талын оролцогч багтсан юм. Хөтөлбөрийг 2024 оны 9 дүгээр сараас 2025 оны 5 дугаар сар хүртэл боловсруулж, хот, хөдөөгийн 18 цэцэрлэгийн 2200 хүүхдийг хамруулан туршжээ. Туршилтын дүн, хэлэлцүүлэг, экспертүүдийн саналд үндэслэн сайжруулалт хийгдсэн байна. Шинэчилсэн хөтөлбөр нь:

• Боловсролын бүх түвшинд уялдаа, залгамжийг хангах
• Хүүхдийн сонирхол, өдөр тутмын амьдралтай уялдсан арга зүй (тоглоом, зохиол, төсөл, шинжлэн судлах)
• Нас, сэтгэхүйн онцлогт тохирсон ном, хэрэглэгдэхүүнээр хангах
• Бүх хүүхдийг ялгаварлалгүй тэгш хамруулах зэргээс бүрдсэнээрээ онцлог юм.

Боловсролын сайд П.Наранбаяр “СӨБ-ын мэргэжлийн зөвлөлийн гишүүд Та бүхний өгөх санал, зөвлөмжийг тусган, хөтөлбөрийг эцэслэн баталж, сургалтын шинэчилсэн хөтөлбөрийг 2025-2026 оны хичээлийн жилд үндэсний хэмжээнд 1407 цэцэрлэгт хэрэгжүүлж эхэлнэ” гэв.