2025 оны долоодугаар сарын агаарын дундаж температур өмнөх жилийнхээс -0.6°С-ээр хүйтэн байсан ч, олон жилийн дунджаас 1.1°С-ээр дулаан байжээ. Ийнхүү уг сар нь 1940 оноос хойш бүртгэгдсэн найм дахь дулаан сар болж тэмдэглэгдсэн байна.

Цаг уур, орчны шинжилгээний газрын мэдээлснээр:

• Нийт нутгийн 69% нь олон жилийн дунджаас 1.0-3.0°С-аар дулаан байжээ.

• 30.2% нь дунджийн орчим, 0.8% нь дунджаас хүйтэн байсан байна.

Тунадасны хувьд, улсын хэмжээнд дунджаар 47.3 мм хур тунадас орсон нь:

• Өмнөх жилийнхээс 26 хувиар бага,

• Олон жилийн дунджаас 7.9 хувиар бага үзүүлэлттэй байжээ.
  Ийнхүү 1940 оноос хойш тохиолдсон 27 дахь бага тунадастай сар болж өнгөрсөн байна.

Онцлох үзүүлэлтүүд:

• Агаарын температурын үнэмлэхүй их утга: Баянхонгорын Эхийнголд +41.3°С

• Агаарын үнэмлэхүй бага утга: Хөвсгөлийн Чандагатад -1.2°С

• Хөрсний үнэмлэхүй их температур: Улаанбаатарт +68°С

• Хөрсний үнэмлэхүй бага температур: Чандагатад -3°С

Онцгой үзэгдлүүд:

• Хамгийн их тунадас: Хэнтийн Баян-Овоо суманд 7 сарын 9-нд 66.6 мм

• Агаарын даралт хамгийн их: Сэлэнгийн Сүхбаатарт 942.5 гПа

• Хамгийн бага даралт: Баянхонгорын Баянбулагт 766.6 гПа

• Салхины хамгийн их хурд: Төв аймгийн Эрдэнэсант суманд 33 м/с хүрчээ.