АДМИН
АН-ын даргаар сонгогдсон О.Цогтгэрэлээс тодрууллаа.
Өнөөдөр АН-ын ҮБХ-ны 363 гишүүнээс 310 гишүүн ирснээс эхний санал хураалтаар 62.4 хувь буюу 50+ санал авч сонгогдлоо. Ийм өндөр итгэл хүлээлгэсэн АН-ынхандаа, АН-ын төлөөллийн төв байгууллагын гишүүддээ талархаж байгаагаа илэрхийлье. Одоо АН-ын үндсэн дүрмийн дагуу ҮБХ-ноос сонгогдоод АН-ын их хурлаар ёсчлон батлах ёстой.
Тодорхой зорилго байх хэрэгтэй. АН давхар, дараалж ялах улс төрийн амбиц зорилгыг тавих ёстой. Давхар, дараалж гэдэг нь хоёр өөр утгатай. 2028, 2032 оны сонгуульд дараалан ялах зорилгоор орох ёстой. Давхар ялна гэдэг нь бид ерөнхийлөгчийн сонгууль, орон нутгийн сонгуульд ялах ёстой. Гол нь ялах, ялагдахын тухай биш. Монгол Улс ардчилсан тогтолцооны тухай хувийн өмчийг дээдэлсэн, хүний эрхийг дээдэлсэн тогтолцоо сонгуулиас сонгуулийн хооронд батжин бэхжих ёстой. Ийм л зорилгыг би өөртөө болон цугтаа зүтгэх нөхдөдөө уриалж байгаа.
|
Нийгэм
