АДМИН
2025 оны есдүгээр сарын 1-ний өдрийн 12 ордын зурхайг танилцуулж байна.
Хонь: Энэ өдөр та хий хоосон зүйлд автагдаж болзошгүй. Сэтгэл хөдлөл, дүрсхийсэн цочмог зан гаргахгүй байхыг зөвлөе. Өнөөдөр та хэн нэгний дэмжлэг тусламжид найдаад хэрэггүй. Хэрэв та үйл явдлаас хоцордог бол энэ нь таны цаашдын ажлын үр дүнд нөлөөлнө. Цаг үеэс үлдэхгүйн тулд хичээ. Тайван цагт урссан хөлс дайны талбарт цус урсахаас аварна гэдгийг сана.
Үхэр: Худалдаа наймаа ашиг орлого сайтай байна. Төлөвлөгөө өргөсөн, гадаад руу явах ажил төлөвлөх байх. Хамт ажиллагсдадаа бүү гомдол мэдүүл. Өөрийн хүчээр амжилтыг олж ав. Удахгүй дарга удирдлагын зүгээс шинэ санаачилгыг үнэлэх тул асуудлыг шийдэх арга барилаа одооноос боловсруул.
Ихэр: Эрх мэдэл олж авахаар шийдсэн бол ганцаараа шийдвэр бүү гарга. Чухал нөлөөтэй холбоо тогтоох гэж яарах хэрэгтэй. Таны ашиг сонирхлыг тандсан муу хүмүүс тохиолдоно. Гэнэтийн шийдвэр гаргахад тохиромжгүй өдөр.
Мэлхий: Хамт олны болон олон нийтийн арга хэмжээнд оролцоход тохиромжтой өдөр байна. Уран бүтээлч хүмүүс өөрийн чадварын зохих ёсоор үнэлүүлж чадна. Нөлөө бүхий танилын хүрээгээ зөв ашигла. Гэхдээ эрч хүчийг тань барах хямралтай байдал үүсэж магадгүй. Бүх ажилд хүчээ тараалгүй амжилт гаргах магадлалтай чиглэлдээ төвлөрч ажилла.
Арслан: Сонирхолтой санал ирнэ. Гэхдээ ойр дотнын харьцаагаа хүндэлдэг бол элдэв адал явдал хайсны хэрэггүй. Аливаа таагүй байдал нь орчин тойрныхонд тань буруу ойлгогдож, зөрчилд хүргэнэ. Бусдын сайн зан чанарыг үнэлсэн тохиолдолд та амжилт олно. Мөнгө хөрөнгөө хуримтлуулахын чухлыг ойр дотнохныгоо ятгаж итгүүл.
Охин: Шат шатны харилцаанд хүмүүстэй зөрчилдөнө. Зарим нэгтэй нь харьцаа тасарсан ч энэ бол бүх ажилд нөлөөлөхүйц онцгой зүйл биш. Хэрэггүй холбоогоо тасалж, хуучнаа халж ямар нэг шинэ зүйл эхэл. Энэ өдрийг эрч хүчтэй, өөртөө итгэлтэй, санаачилгыг гартаа авах байдлаар өнгөрөөгөөрэй. Үйл явдалд идэвхтэй оролцох хэрэгтэй. Уйгагүй оролдлогуудаараа өөрийн сонирхол, хүсэлдээ бусдын анхаарлыг тат.
Жинлүүр: Техник технологийн ололт болон бүтээлч төслүүд танд таалагдана. Өндөр цалинтай ажил эсвэл албан тушаалд дэвших бодит боломж бий болно. Өөрийн үзэл бодол, тавьсан зорилгодоо үнэнч байхыг хичээ. Сэтгэл хөдлөл, тайван бус байдал гэр бүлийн харьцааг муутгаж магадгүй. Хайхрамжгүй байдал ойр дотно харилцаанд хүндрэл учруулна.
Хилэнц: Материаллаг байдлаа сайжруулахын тулд ихээхэн мөнгө олох шаардлага гарч ирнэ. Энэ өдөр олон хүнтэй уулзалгүй хүлээцтэй байх хэрэгтэй. Хэнтэй ч бүү маргалд. Зээл эсвэл үнэтэй бэлэг авч, бусдаас хараат болохоос болгоомжил. Бусдаас ялгарах гэж оролдож болохгүй. Болгоомжтой байснаар таагүй явдлаас ангижирч чадна.
Нум: Энэ өдөр хичээл зүтгэл гаргаж буй нумынхныг од эрхсийн ивээх болно. Гадаад харилцаа сайжирч, түншүүдийн итгэл болон хөрөнгө оруулалт нэмэгдэнэ. Удаан авч чадаагүй ажлын хөлс болон өр ширээ олж авах боломж гарна. Аливаа гэрээ хэлэлцээр байгуулахад үр дүн нь цаг хугацааны явцад сайн байх магадлалтай байна.
Матар: Од эрхсийн холимог нөлөөллийг гадна орчны нөхцөл байдалтай уялдуулан таньж мэдэр.Бодлогогүй алхам хийхээс зайлсхий. Өнөөдөр зарим салбарт таныг азгүйдэл отож байгаа бол зарим салбарт ямар ч сонголт хийснээр амжилттай байх болно. Бусдыг даган дуурайж явцгүй төсөлд хөрөнгө бүү оруул. Зөв санхүүгийн үйл ажиллагаанаас шагнал, урамшуулал авах магадлалтай байна.
Хумх: Өнөөдөр хэн нэгэн гэнэтийн мэдээ дуулгаж таныг сандралд оруулна. Сэтгэл хөдлөлдөө бүү авт. Бодлогогүй, түрэмгий үйлдэлд оролцох магадлалтай тул болгоомжтой байхад илүүдэхгүй. Залилан хуурмаг үйлээс болгоомжлохгүй бол хууль, шүүхийн хаалга татаж болзошгүй. Мөнгө санхүүгийн эх үүсвэрээ сайжруулах гэхээс илүү олсон мөнгөө зарцуулахдаа хямгатай бай.
Загас: Өнөөдөр та аядуу зөөлөн ааш зантай нэгэн байсан ч нэгэнт шийдвэр гаргасан бол хатуу бай. Мөн буруу хүмүүст хууртахаас болгоомжил. Буруу байхгүй ч зарим үйл явдлыг өөрчлөх боломжгүй болно. Та нэг их ач холбогдол өгөхгүй ч байсан таны эсрэг үйл ажиллагаа хор уршиг тарина. Иймээс өнөөдөр сонор сэрэмж илүүдэхгүй бололтой.
|
Нийгэм
