2026 оны хоёрдугаар сарын 22-ны өдрийн 12 ордын зурхайг танилцуулж байна.

Хонь: Тааламжтай үйл явдал хүлээж байна. Та болон таны гэр бүлийнхнийг тойрсон сайхан мэдээнүүд нь ямар нэгэн тэмдэглэлт баяр тэмдэглэх шалтаг болно. Хуучин найзуудтайгаа холбоо барьж оройг сайхан өнгөрүүл. Ганц бие хүмүүс дотоод төсөөлөлдөө байгаа адал явдлыг бүтээж болно. Гол нь та явцуу хүрээнээсээ гарч өөр зүйлийг эрж хайсан нь дээр. Урьд өмнө нь үзэж байгаагүй бүхнийг туршихыг хүсэх ч ямар нэг зүйлийг гаднаас нь үнэлэх гэсний хэрэггүй байх.

Үхэр: Амралтын өдрөө бие сэтгэлийн алжаалаа тайлж, бясалгалд явах хэрэгтэй. Бусдын төлөө ихийг хийж чадахгүй ч өөрийнхөө төлөө бол илүү ихийг хийж чадна. Иймд бүх зүйлд санаа зовж бухимдаад байлгүй зүгээр л өөртөө анхаарч эхэл. Эрүүл мэнддээ сайжруулан, өөрийгөө сэргээх хэрэгтэй. Дотоод мэдрэмжээ зөв болгоход сайн анхаар.

Ихэр: Хамгийн завгүй байх үе тул аль болох эрч хүч, урам зоригтой байх хэрэгтэй болно. Ажил хэргээ хойш тавин гэр бүлдээ зориулах цаг заавал гарга. Гэр бүл болон үр хүүхдүүдтэй холбоотой нэлээдгүй зардал гарна. Зарим хүмүүст сонирхолтой дурсамжаа санах нь хөнгөн зугаа болно. Аливаа харилцаанд идэвхтэй байж, бусад хүмүүстэй сайн холбоо тогтоо. Өөрийгөө илэрхийлэх тал дээр өвөрмөц шинэлэг арга ашиглаад үз.

Мэлхий: Өнөөдөр орон гэрээ өөд нь татах талаар ажиллахад тохиромжтой үе юм. Гэрийнхээ ажилд өөрийнхөө хувь нэмрийг оруулснаар эргэн тойрон тань таатай уур амьсгал бүрэлдэх болно. Гэр бүлтэй холбоотой ямар ч сэтгэл гонсойлгосон асуудалд өөдрөгөөр ханд. Зөв гарцыг олсон үед урьд нь төвөгтэй санагдаж байсан асуудал тань энгийн шийдэлтэй байсан байж болно. Ерөнхийдөө сэтгэлийн зовнил, гутралаа мартаж, өдрийн хандлагыг өөртөө сайхан байлгах боломжийг эрэлхийл.

Арслан: Энэ өдөр зугаа цэнгэл болон наргиан наадамд зориулагдсан мэт байвч олдсон боломжоо хайхрахгүй өнгөрөхөөс болгоомжил. Бодит бус хандлага гарсан ч хайр дурлалын адал явдал нь танд сэтгэлээр өөдрөг байдлыг бэлэглэнэ. Хариуцлагаа ухамсарласан байдал, сайхан сэтгэл, нийтэч зан өнөөдрийн бүхий л үйл ажиллагаанд сайн хөшүүрэг болж өгөх бололтой. Итгэлтэй нөхрийн тус дэм болон зөвлөгөөг авах хэрэгтэй байж магадгүй байна.

Охин: Мөнгө хөрөнгийг бүгдээс чухалчилж гэр бүлийнхнийхээ санааг зовоосны хэрэггүй. Амралтын өдөр сэтгэл хөдөлгөх арга хэмжээнд оролцон сайхан амрах талаар төлөвлөгөө боловсруул. Энэ өдөр олдсон сайн боломжийг алдалгүй ашигла. Олныг хамарсан арга хэмжээнд амжилттай оролцож шагнал урамшуулал авах магадлалтай.

Жинлүүр: Энэ амралтын өдрийг тайван өдөр болгохын төлөө хичээх хэрэгтэй. Одоо үүрэг амлалтаа хойш нь тавьж өөрийнхөө хэрэгцээний тухай бодох үе. Чимээгүй уур амьсгал танд чөлөөт цагаа таатай өнгөрөөх, унших ёстой зүйлсээ гүйцээх, үзэхээр төлөвлөсөн киногоо үзэх зэрэг боломжийг олгоно. Од эрхэс хайр сэтгэлийг ивээж байна. Ямар нэгэн томоохон шийдвэрийг ойрын үед гаргах хэрэгтэй байгаа бол одоо шийд. Иогийн дасгал, бясалгалын аргуудыг суралцахад тохиромжтой үе.

Хилэнц: Зарим хүмүүс аливаа зүйлийг амархан хийх гэж оролдох болно. Гэвч амралтын өдрийн энэ сэтгэлзүй нь залхууралтай холбоотой бодол байна. Өнөөдөр танд нойрноосоо сэрсэн ч орондоо удаан хэвтэх хүсэл төрнө. Гэхдээ идэвхтэй амарч чадвал дараа долоо хоногоо эрч хүчээр дүүрэн эхлүүлэх болно. Өөрийгөө мэдэрч, бясалгал хийх нь танд оюун бодлоо амрааж санаагаа төвлөрүүлэхэд тусална. Эцэг эх хилэнцийнхэн үр хүүхдүүдээ баярлуулж, аз жаргалыг мэдэр.

Нум: Бусдад хайр түгээх нь эргээд сайхан энерги танд өгөх болно. Хайртай хүмүүстээ өнөөдөр хатуу үг бүү хэл. Харин ч сайхан зүйлсийн талаар ярьж тэднийхээ сэтгэлийг баясгаарай. Бусдын гэм бурууг олж тогтоох гэж оролдохоос татгалз. Тогтвортой харьцаатай хүмүүс ч бага зэрэг идэвх гаргаж хайрын холбоогоо бэхжүүлэх хэрэгтэй. Харин шинэ дурлалтай учирсан ганц бие хүн бага зэрэг гуниглаж магадгүй.

Матар: Энэ үед өндөр ачаалал авбал амархан ядарч сульдах тул амьдралын хэмнэлээ өөртөө амар хялбар байлгахад анхаар. Хов жив болон гунигт бодлоосоо зайлсхий. Энэ өдөр тайван амарч, өөрийгөө хөгжүүлэх цаг гарга. Зарим хүмүүс мэдлэгээ сайжруулахын төлөө илүү хичээх үе. Мөн эрүүл мэндээ хамгаалж, хоол боловсруулах эрхтэндээ илүү анхаар. Хайртай хүнтэйгээ хамт романтик оройн зүүг барьснаар, цагийг гайхалтай өнгөрүүлэх боломжтой болно.

Хумх: Хувийн амьдрал урам өгсөн эерэг хандлагатай болно. Та энгийн үеийнхээс илүү мөрөөдөмтгий байх тул анхааралтай бай. Хөнгөн хийсвэр зан чанараа өөрөө ч гайхах болно. Дотоод айдастайгаа учрахаас бүү ай. Өөрийгөө таньж, дотоод ертөнцөө сонсох зав гаргаарай. Цэвэр агаарт алхах, гэр бүлдээ цаг гаргах зэрэг нь толгойг амраах, сэтгэлийн түгшүүрээс салах гайхалтай арга гэдгийг сана. Үүний дараа л та жинхэнэ аз.

Загас: Гэр бүлийн харилцаанд таны дургүйг хүргэх үйлдэл гарах магадлалтай. Зарим нууцаа хэрэггүй хүмүүст алдах нь таны сэтгэлийг тавгүйтүүлнэ. Танд аливаа нөхцөл байдал бүрхэг талаасаа илүү харагдах болно. Ахуйн жижиг асуудалд ч нухацтай ханд. Дутуу хийсэн зүйлс нь араасаа таагүй явдлуудыг дагуулна. Бусдыг шүүмжлэлээс зайлсхий.