Б.ЭНХЗАЯА
Цагдаагийн байгууллагат “Pizza Hut” сүлжээ рестораны нэрийг ашиглаж, залилан үйлдсэн гэх 32 сая гаруй төгрөгийн хохиролтой нийт 7 гомдол бүртгэгджээ.
Тодруулбал, “Pizza Hut” сүлжээ рестораны нэр, таних тэмдгийг ашиглан хямдрал зарласан нэрийдлээр хуурамч линк үүсгэн, хувийн мэдээллийг нь авсан. Мөн тус мэдээллийг нь ашиглан данс руу нь нэвтэрч өөрсдийн дансандаа авсан байна.
Иймд иргэд та бүхнийг цахимаар бараа, үйлчилгээ захиалахдаа байгууллагын албан ёсны вэбсайт нь баталгаат хаяг мөн эсэхийг сайтар шалгах, дансны мэдээлэл, нэг удаагийн нууц кодыг бусдад дамжуулахгүй байж энэ төрлийн гэмт хэргээс урьдчилан сэргийлэхийг ЦЕГ-аас анхаарууллаа.
|
Нийгэм
