Т.УНДРАХБАЯР
Тогтвортой үйл ажиллагаа эрхэлдэг “Oнлайн дэлгүүр”-үүд иргэдийг залилах тохиолдол их байна. Тодруулбал сар шинийн баярын үеэр хямд буйдан, гэр ахуйн барааны захиалга авна гэх зэргээр фейсбүүк орчимд нэр бүхий онлайн шоп хаягаар дамжуулан иргэдийн хэрэгцээ шаардлагад тулгуурлан хуурч мэхлэн 55 орчим сая төгрөгийн хохирол учруулсан иргэн Ч-г мөрдөн шалгах албаны залилах гэмт хэрэгтэй тэмцэх газраас шуурхай олж тогтоон баривчиллаа. Тус этгээдтэй холбоотой үйлдэл холбогдлыг цагдаагийн байгууллагаас үргэлжлүүлэн шалгаж байна. Сүүлийн үед тогтвортой үйл ажиллагаа явуулж цахим хаягаа хөгжүүлэн иргэдэд итгэл төрүүлэх замаар лайв, видео бичлэг хийн бараа бүтээгдэхүүний захиалга авах үйлдлийн аргаар иргэдийг залилах, хохирол учруулах тохиолдол их байгаа тул худалдан авалт хийхдээ та бүхнийг ямар ч тохиолдолд урьдчилгаа мөнгө шилжүүлэхгүй байхыг уриалж байна. мөн энэ төрлийн гэмт хэрэг үйлдэж буй этгээдүүдийг цагдаагийн байгууллагаас шуурхай олж тогтоох чиглэлээр идэвхтэй ажиллаж байгаа тул гэмт үйлдлээс татгалзахыг анхааруулж байна.
|
Нийгэм
