Сонгинохайрхан дүүргийн цагдаагийн газрын I хэлтсийн жижүүрийн цагдаа, жолооч Б нь албан үүргээ гүйцэтгэх явцдаа албаны байранд иргэн Б-тэй хувийн таарамжгүй харилцааны улмаас биед нь халдсан хэрэг гарчээ.

Уг үйлдэлтэй холбогдуулан Цагдаагийн ерөнхий газрын Мөрдөн шалгах албаны Тусгай субьектийн үйлдсэн гэмт хэрэг мөрдөн шалгах хэлтсээс Эрүүгийн хуулийн тусгай ангийн 11.6 дугаар зүйлд заасан “Хүний эрүүл мэндэд хөнгөн гэмтэл санаатай учруулах” гэмт хэргийн шинжтэй гэж үзэн хэрэг бүртгэлтийн хэрэг нээн шалгалтын ажиллагааг эхлүүлсэн байна.

Одоогоор уг хэрэгт мөрдөн шалгах ажиллагаа үргэлжилж байгаа бөгөөд холбогдох байгууллагаас нөхцөл байдлыг тогтоохоор ажиллаж байна.