Т.УНДРАХБАЯР
БИЛГИЙН ТООЛЛЫН 11 2026.02.27 / БААСАН ГАРАГ
ХАВРЫН ТЭРГҮҮН ЦАГААН БАР САРЫН ТАВАН ШАР ХАР БИЧ ӨДӨР
Үс засуулвал: Эрхтэн хурц болно.
Наран ургах, шингэх: 07.37-18.33
Барилдлага: Үл тохирох
Шүтэн барилдлага: Төрөхүй
Суудал: Ус
Аргын тооллын 2 сарын 27, Сугар гараг. Билгийн тооллын 11, Өглөгт охин одтой, хар бич өдөр. Өдрийн наран ургах, шингэх цаг нь: 7:37-18:33. Тухайн өдөр хулгана, луу жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, сүм дуганыг сэргээх, бүжиг наадам хийх, цэцэрлэг байгуулах, хур оруулах, дарханы үйлд сайн. Хувцас эсгэх, шинэ хувцас өмсөх, зөвлөгөө хийх, гөлөг тэжээхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулахад эрхтэн хурц болно.
|
Нийгэм
