АДМИН
Увс аймгийн Давст сумын Хандгайт багийн "Хүдэн" гэдэг газарт 2026 оны 03 дугаар сарын 11-ний өдрийн 03:10 цагийн орчим малчин А нь согтуугаар гэр бүлийнхэнтэйгээ маргалдаж, гэрээсээ явганаар гараад сураггүй алга болсон тухай дуудлагыг мөн өдрийн 05:46 цагт аймгийн онцгой байдлын газрын Давст сум дахь Эрэн хайх, аврах бүлэг, холбогдох албаныхан хүлээн авчээ.
Тус аймгийн Онцгой байдлын газрын Давст сум дахь Эрэн хайх, аврах бүлэг, Цагдаагийн хэсгийн алба хаагчид, сумын Мэргэжлийн ангийнхан малчин А /54 настай, эмэгтэй/-ийг эрэн хайх ажиллагааг зохион байгуулж, 07:36 цагт гэрээс нь зүүн урд зүгт 5 км-т “Шар толгой” гэдэг газраас хээрээс эсэн мэнд олж, ар гэрийнхэнд нь хүлээлгэн өгсөн байна.
|
Эх сурвалж
| ОБЕГ
|
Нийгэм
