Т.УНДРАХБАЯР
Улсын харцага Т.Өсөх-Ирээдүй "Монгол Улсын Гавьяат дасгалжуулагч" цол хүртлээ. Энэ үеэр түүний шавь Улсын арслан Б.Орхонбаяр сэтгэгдлээ хуваалцлаа.
Улсын арслан Б.Орхонбаяр: Нийт монголчууддаа гурван сарын 18-ны монгол цэргийн 105 жилийн ойн баярын мэнд хүргэе. Алдар спорт хорооны түүхт 80 жилийн ойгоор багш маань Монгол Улсын Гавьяат дасгалжуулагч хэмээх эрхэм хүндтэй шагнал авсанд маш их баяртай байна. Энэ спорт хороонд олон шавь бэлдэж, гарыг нь ганзаганд, хөлийг нь дөрөөнд хүргэж, үндэсний бөхийг амьдрал ахуйтай нь холбосон сайн үйлс хийж явж яваа хүн. Анх бөх болох зорилготой хөдөөгөөс орж ирээд л багштайгаа танилцаж байсан. Багш маань ноён нуруутай, түшигтэй их хүүхдүүдийг зөв замд чиглүүлсэн. Өндөр даваа гэлтгүй анх барилдаж эхэлснээс хойш зааж, зөвлөж сургаж, бөхийн амьдралд хөл гишгүүлж оруулсан. Бүх шавь нарынх нь өмнөөс багшдаа маш их баярлаж явдаг шүү дээ гэж хэлье. Багшдаа өгсөн зорилго, амлалтууд байгаа, хичээнэ.
|
Нийгэм
