Т.УНДРАХБАЯР
Жил бүр Монгол Улсад 4300 орчим хүн тамхины улмаас нас бардаг бөгөөд тамхины хэрэглээнээс болж амь насаа алдсан хүмүүсийн 72% нь 70 наснаас өмнө тохиолдож болох нас баралтын 17%-ийг эзэлж байна.
Монгол Улсад тамхи таталт нь зөвхөн зүрх, уушгины өвчний шалтгаан болоод зогсохгүй сүрьеэгийн халдвар авах, өвчин хүндрэх эрсдэлийг нэмэгдүүлж байгааг эрүүл мэндийн байгууллагууд анхааруулж байна. Судалгаагаар тамхи татдаг хүмүүсийн 18–22 хувь нь сүрьеэгийн халдвар авах магадлал өндөр байдаг. Мөн тамхи татдаг сүрьеэтэй өвчтөнүүдийн 70 хүртэлх хувьд уушгины архаг бөглөрөлт өвчин хавсардаг нь өвчний явцыг хүндрүүлж, эдгэрэлтийг удаашруулдаг аж. Эрүүл мэндийн мэргэжилтнүүдийн зүгээс тамхи нь уушгины дархлааг сулруулж, халдварт өвчинд өртөмтгий болгодог тул ялангуяа сүрьеэгийн тархалт өндөр бүс нутагт амьдарч буй иргэд тамхинаас татгалзах шаардлагатайг анхааруулж байна.
|
Нийгэм
