Т.УНДРАХБАЯР
Гадаад улсаас ханиадны үед хэрэглэдэг гэх нэр бүхий эмийг Монгол Улсад худалдан борлуулж байгаатай холбоотойгоор цагдаагийн байгууллагад нийт 14 гомлол мэдээлэл бүртгэгдээд байна. Тус эмийн найрлагад НҮБ-ын мансууруулах эм, сэтгэцэд нөлөөт бодисын тухай конвенцийн гурав дахь жагсаалтад багтсан сэтгэцэд нөлөөт бодис агуулагдаж байгаа нь тогтоогдоод байна. Тус сэтгэцэд нөлөөт бодисын агууламжтай эм нь өвдөлт намдаах, ханиалга дарах үйлчилгээтэй бодис бөгөөд донтуулах эрсдэлтэй тул олон улсын хэмжээнд хатуу хяналтад байдаг байна. Монгол Улсад тухайн бодис агуулсан эмийг зөвшөөрөлгүй импортлох, чөлөөтэй худалдаалах нь хууль зөрчсөн үйлдэл юм. Иргэд та бүхэн эм тариаг зөвшөөрөлтэй байгууллагаас худалдан авч, эмчийн заавар, жорийн дагуу зөв хэрэглэхийг цагдаагийн байгууллагаас анхааруулж байна.
|
Нийгэм
