АДМИН
Ус цаг уур, орчны судалгаа, мэдээллийн хүрээлэнгээс арав хоногт нэг удаа хийдэг хээрийн цасны хэмжилтийн мэдээгээр гуравдугаар сарын 20-ны байдлаар нийт нутгийн 34 хувьд цастай байна.
Үүнээс Увс (Баруунтуруун), Хөвсгөл (Цэцэрлэг, Улаан-Уул, Цагааннуур), Ховд (Алтайн хойд), Говь-Алтай (Тонхил, Бугатын өмнөд), Сэлэнгэ (Хүдэр, Ерөө)-д 21 см-ээс дээш зузаан, 0.25-0.27 г/см3 нягттай,
Увс (Малчин, Хяргас, Зүүнговь, Тэс), Ховд (Үенчийн хойд), Завхан (Баянтэс, Баянхайрхан, Нөмрөг, Тосонцэнгэл, Их-Уул), Хөвсгөл (Ренчинлхүмбэ), Сэлэнгэ (Зүүнбүрэн, Баруунбүрэн), Төв (Эрдэнэ), Хэнтий (Баян-Адрага, Биндэр, Норовлин), Дорнод (Чулуунхороот, Гурванзагал, Чойбалсан, Халхгол)-д 11-20 см зузаан, 0.11-0.30 г/см3 нягттай, бусад нутгаар 10 см-ээс бага зузаан, 0.1-0.29 г/см3 нягттай байна.
Цасны зузаан хамгийн их нь Сэлэнгийн Ерөөд 34 см байгаа бөгөөд цасан бүрхүүлийн хэмжээг өмнөх арван хоногтой харьцуулахад 11 хувиар буурсан байна.
|
Эх сурвалж
| Ус цаг уур, орчны судалгаа, мэдээллийн хүрээлэн Хөдөө аж ахуйн цаг уурын судалгааны хэлтэс
|
Нийгэм
