АДМИН
2026 оны 03-р сарын 30-ны 08 цагаас 03-р сарын 31-ний 08 цаг хүртэлх цаг агаарын тойм мэдээ:
Цасны зузаан: Өнөө өглөөний 08 цагийн станц харуулуудын мэдээгээр Увсын зүүн, Хөвсгөл болон Завханы хойд хэсгээр цасан бүрхүүл тогтсоноос хамгийн их нь Увсын Баруунтуруунд 11.0 см, Зүүнговьд 10.0 см, бусад нутгаар 0.0-5.0 см цасан бүрхүүлтэй байна.
Хур тунадас: Өнгөрсөн хоногт төвийн аймгуудын нутгийн зүүн хойд хэсэг, зүүн аймгуудын нутгийн зарим газраар 0.0-0.7 мм хур тунадас орсон байна. Үүнээс хамгийн их нь Сэлэнгийн Орхонтуул, Төв аймгийн Угтаалцайдамд 0.7 мм, бусад хэсгээр 0.0-0.6 мм хур тунадас орсон байна.
Агаарын хамгийн их температур: Өчигдөр өдөр ихэнх нутгаар 1-8 градусаар дулаарч, Увс нуур болон Дархадын хотгор, Хангайн уулархаг нутаг, Завхан голын эх, Тэс, Байдраг голын хөндийгөөр +1...+6 градус, Их нууруудын хотгор, говийн бүс нутгийн өмнөд хэсэг, Орхон-Сэлэнгийн сав газар, Дорнод-Дарьгангын тал нутгаар +13...+18 градус, бусад нутгаар +7...+12 градус дулаан байв.
Хамгийн бага температур: Өнгөрсөн шөнө Монгол-Алтай, Хангай, Хөвсгөлийн уулархаг нутаг, Увс нуур болон Дархадын хотгор, Завхан голын эх, Идэр, Тэс, Байдраг, Эг, Үүр, Орхон, Хараа голын хөндийгөөр -10...-17 градус хүйтэн, говийн бүс нутгийн өмнөд хэсгээр 0...+5 градус дулаан, бусад нутгаар -2...-9 градус хүйтэн хоносон байна.
Салхи: Төв, говь, зүүн аймгуудын нутгаар секундэд 15-17 метр, зарим үед секундэд 24 метр хүрч ширүүслээ.
Улаанбаатар хот орчмоор: Өчигдөр өдөр хур тунадас ороогүй. Өнгөрсөн шөнө 0.0 мм ялимгүй цас орсон байна. Салхи баруун өмнөөс хойш эргэж секундэд 7-12 метр байв. Агаарын температур өмнөх өдрөөс 4-6 градусаар дулаарч өдөртөө +10...+12 градус дулаан, өнгөрсөн шөнө -7…-9 градус хүйтэн хоносон байна.
|
Эх сурвалж
| ЦУОШГ
|
Нийгэм
