АДМИН
2026 оны 04 дүгээр сарын 03-наас 04 дүгээр сарын 13-ныг хүртэлх 10 хоногийн цаг агаарын урьдчилсан төлөвийг танилцуулж байна.
04, 05-нд нутгийн зүүн хагаст хур тунадас орж, салхи шуургатай, хүйтэн байна.
Хур тунадас: 03-нд төвийн аймгуудын нутгийн зүүн хойд, зүүн аймгуудын нутгийн зүүн өмнөд хэсгээр, 04-нд төв болон зүүн аймгуудын нутгийн зарим газар, говийн аймгуудын нутгийн хойд хэсгээр, 05-нд Хэрлэн, Онон, Улз голын хөндий, Дорнод, Дарьгангын тал нутгаар, 06-нд Халх голын хөндийгөөр, 07-нд баруун аймгуудын нутгийн хойд хэсэг, төвийн аймгуудын нутгийн баруун хойд хэсгээр, 08-нд Алтай, Хангайн уулархаг нутгаар, 09-нд Хангай, Хэнтийн уулархаг нутгаар, 11-нд баруун болон төвийн аймгуудын нутгийн хойд хэсгээр, 12-нд баруун болон төвийн аймгуудын нутгийн зарим газраар бороо, нойтон цас, цас орно.
Салхи: 04, 05-нд говь, тал, хээрийн нутгаар, 08, 09, 11-нд нутгийн зарим газраар, 12-нд говийн бүс нутгаар секундэд 16-18 метр хүрч ширүүсэж, нутгийн өмнөд хэсгээр шороон шуурга шуурна.
Агаарын температур: Дархадын хотгор, Завхан голын эх, Хүрэнбэлчир, Идэр, Тэс, голын хөндий, Хөвсгөл, Хэнтийн уулархаг нутгаар шөнөдөө -13...-18 градус, өдөртөө -1...-6 градус, Алтай, Хангайн уулархаг нутаг, Хараа, Ерөө, Туул, Тэрэлж голын хөндийгөөр шөнөдөө -10...-15 градус, өдөртөө -3...+2 градус, говийн бүс нутгийн өмнөд хэсгээр шөнөдөө +1...-4 градус хүйтэн, өдөртөө +12...+17 градус дулаан, говийн бүс нутгийн хойд хэсгээр шөнөдөө -1...-6 градус хүйтэн, өдөртөө +4...+9 градус дулаан, бусад нутгаар шөнөдөө -5...-10 градус хүйтэн, өдөртөө +1...+6 градус дулаан байна. 06, 07-нд ихэнх нутгаар дулаан байна.
Улаанбаатар хот орчмын 10 хоногийн цаг агаарын урьдчилсан төлөв
Хур тунадас: 04-нд хур тунадас орно. Бусад хугацаанд хур тунадас орохгүй.
Салхи: Ихэнх хугацаанд секундэд 5-10 метр, 04-нд баруун өмнөөс хойш эргэж секундэд 12-14 метр хүрч ширүүснэ.
Агаарын температур: 04, 05-нд хүйтэн шөнөдөө -10...-15 градус, өдөртөө 0...-5 градус хүйтэн, 6-наас дулаарч шөнөдөө -1...-6 градус хүйтэн, өдөртөө +5...+10 градус дулаан байна.
|
Эх сурвалж
| ЦУОШГ
|
Нийгэм
