Б.АМАРТҮВШИН
Төв аймгийн Сэргэлэн сумын нутагт Говьсүмбэр явах замаар түлш ачин зорчиж явсан том оврын тээврийн хэрэгслийн жолооч нь тухайн замаар зорчиж явсан ачааны том оврын тээврийн хэрэгсэлтэй шүргэлцсэн ослын улмаас түлш замаар асгарсан гэх мэдээлэл 2026.04.17-ны өдөр цагдаагийн байгууллагад бүртгэгдсэн. Мэдээллийн дагуу харъяа аймгийн цагдаагийн газраас шалгалтын ажиллагааг явуулж байна.
10 тонн түлшний сав цоорсны улмаас 1 тонн түлш асгарч, үлдсэн 9 тонн түлшийг бусад тээврийн хэрэгсэлд шилжүүлсэн байна. Онцгой байдлын газраас түлш асгарсан асуудалд журмын дагуу арга хэмжээ авч аюулгүй болгон ажилласан байна.
|
Нийгэм
