АДМИН
Хэнтий аймгийн Хэрлэн сумын 8 дугаар багийн "Ар хүүш" гэдэг газар /аймгийн төвөөс зүүн хойд зүгт 60 км-т, Тахилгат тосгоноос баруун зүгт 12 км-т/ суудлын автомашин шатсаны улмаас хээрийн гал түймэр гарсан дуудлагыг 04 дүгээр сарын 20-ны өдрийн 15:12 цагт аймгийн онцгой байдлын газар хүлээн авсан байна.
Тус аймгийн Онцгой байдлын газар, Тахилгат тосгоны Мэргэжлийн анги, Мөрөн сумын Мэргэжлийн анги, Хэрлэн сумын Мэргэжлийн ангийнхан орон нутгийн нийт 123 хүн, 8 мотоцикл, 24 автомашинтай хээрийн гал түймрийг унтраах ажиллагааг зохион байгуулан ажиллаж, 04 дүгээр сарын 20-ны өдрийн 18:53 цагт түймрийг цурамд оруулж, 04 дүгээр сарын 21-ний өдрийн 09:50 цагт түймрийг бүрэн унтраажээ. Урьдчилсан байдлаар хээрийн гал түймэрт 700 га талбай өртөж шатсан байна.
|
Нийгэм
