АДМИН
Боловсролын сайд Л.Энх-Амгалан Мэргэжлийн болон техникийн боловсролын сургалтын байгууллагын захирлуудтай уулзаж эрх зүйн шинэчлэл, цаашид анхаарах асуудал, төсөв санхүүжилт, үйл ажиллагааны хэрэгжилтийн талаар сонсож, ярилцав.
- Их өгөгдөлд суурилсан мэргэжлийн болон техникийн боловсролын цахим системийн хөгжүүлэлтийг сайжруулах, суралцагчдын өдөр тутмын ирц бүртгэлийг хөтөлж, хянах механизмыг системийн хөгжүүлэлтээр шийдэх.
- Төрийн өмчийн мэргэжлийн боловсролын сургууль, политехник коллежийн дотуур байрын барилга байгууламжийн асуудлыг төрөөс дэмжлэг үзүүлж, сайжруулах тал дээр анхаарах.
- Төрийн өмчийн мэргэжлийн болон техникийн боловсролын сургалтын байгууллагуудад хэрэгжүүлэхгүй байгаа хөтөлбөрийн тоног төхөөрөмжийг тухайн хөтөлбөрийг хэрэгжүүлж байгаа хэрэгцээ шаардлагатай байгууллагад шилжүүлэх боломжтой эсэхийг судалж, шийдвэрлэх.
- Төрийн өмчийн сургалтын байгууллагад үндсэн мэргэжлийн багшаас гадна захиргаа, удирдлагын орон тоо илүү байгаа асуудлыг судалж, жишиг нормативыг батлах.
- Хөдөлмөрийн зах зээлийн эрэлт, бүсчилсэн хөгжлийн бодлогод нийцүүлэн хөтөлбөрийн зөвшөөрлийг олгох
- Элсэгчгүй буюу 2 жилээс дээш хугацаагаар сургалт явуулаагүй хөтөлбөрийн зөвшөөрлийг түдгэлзүүлэх зэрэг асуудлуудыг шийдвэрлэнэ.
|
Эх сурвалж
| Боловсролын яам
|
Нийгэм
