АДМИН
2026 оны 04-р сарын 25-ны 08 цагаас 04-р сарын 26-ны 08 цаг хүртэлх цаг агаарын тойм мэдээг танилцуулж байна.
Цасны зузаан: Өнөө өглөөний 08 цагийн станц харуулуудын мэдээгээр төв, зүүн аймгуудын нутгийн зарим газраар 0-1 см цасан бүрхүүл тогтсон байна.
Хур тунадас: Өнгөрсөн хоногт баруун аймгуудын нутгийн өмнөд, төвийн аймгуудын нутгийн зүүн, говийн аймгуудын нутгийн хойд хэсэг, зүүн аймгуудын нутгийн зарим газраар 0.0-7.0 мм хур тунадас орсон. Үүнээс хамгийн их нь Дархан, Сэлэнгийн Орхонд 7.0 мм хур тунадас орсон байна.
Агаарын хамгийн их температур: Өчигдөр өдөр Их нууруудын хотгор, говийн бүс нутгаар +18...+24 градус, Монгол-Алтай, Хэнтийн уулархаг нутаг, Дорнод-Дарьгангын тал нутаг, Онон, Улз, Халх голын хөндийгөөр +7...+12 градус, бусад нутгаар +13...+18 градус дулаан байв.
Хамгийн бага температур: Өнгөрсөн шөнө Дархадын хотгор, Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Онон, Улз голын хөндий, Дорнод-Дарьгангын тал нутгаар -2...-9 градус хүйтэн, говийн бүс нутгаар +6...+12 градус, бусад нутгаар -1...+5 градус дулаан хоносон байна.
Салхи: Ихэнх нутгаар секундэд 5-10 метр, нутгийн зарим газраар секундэд 13-15 метр, зарим үед секундэд 20 метр хүрч ширүүсэн шороон шуурга шуурсан байна.
Улаанбаатар хот орчмоор: Өчигдөр өдөр хур тунадас ороогүй. Өнгөрсөн шөнө 1-2 мм бороо орсон байна. Салхи өчигдөр өдөр зүүн өмнөөс хойш эргэж секундэд 7-12 метр, зарим үед секундэд 14-16 метр хүрч ширүүслээ. Өнгөрсөн шөнө секундэд 3-8 метр байв. Агаарын температур өмнөх өдрөөсөө 3-4 градусаар сэрүүсэж +12...+14 градус, өнгөрсөн шөнө +1…+3 градус дулаан хоносон байна.
ОЙ ХЭЭРИЙН ТҮЙМРИЙН АЮУЛААС СЭРЭМЖЛҮҮЛЭХ МЭДЭЭ
2026 оны 04 дүгээр сарын 26-ны байдлаар:
Ихэнх нутгаар нэн их болон их хуурайшилттай байна.
Иймд иргэд, малчид та бүхэн ой хээрийн бүсэд зорчихдоо галын аюулгүй байдлыг чанд сахиж, ил гал гаргахгүй байхыг онцгойлон анхааруулж байна.
|
Эх сурвалж
| ЦУОШГ
|
Нийгэм
