Б.БИЛЭГСАЙХАН
Чингэлтэй дүүргийн 24 дүгээр хороонд "Хоёр автомашин мөргөлдөж хоёр хүн хавчуулагдсан байна" гэсэн дуудлага өчигдөр 07.45 цагт Онцгой байдлын байгууллагад бүртгэгдсэн байна. Нийслэлийн Аврах ангийн алба хаагчдыг очиход, иргэн А-гийн “Howo ZZ1317” загварын тусгай зориулалтын автомашин урсгал сөрж “Xiamen XML6105J15C” загварын нийтийн тээврийн автобустай мөргөлдсөн байжээ.
Улмаар “Howo ZZ1317” загварын автомашины жолооч иргэн А /34 настай, эрэгтэй/-ийн хоёр хөл, зорчигч М /14 настай, эрэгтэй/-ын баруун хөл автомашины эд ангид хавчуулагдсан байсныг эсэн мэнд гаргаж, Нийслэлийн түргэн тусламжийн төвд хүлээлгэн өгсөн байна.
|
Нийгэм
