Б.БИЛЭГСАЙХАН
Apple-ийн шинэ iPhone 18 Pro болон iPhone 18 Pro Max загварын эрэлт сул байгаа гэх эхний мэдээллүүд гарсан ч PhoneArena-гийн уншигчдын дунд явуулсан санал асуулгаар арай өөр үр дүн гарчээ.
Нийт 1,058 хүн оролцсон санал асуулгад 29 хувь нь iPhone 18 Pro-г урьдчилан захиалсан, 14 хувь нь дараа нь худалдаж авахаар төлөвлөж байгаагаа илэрхийлсэн байна. Харин 38 гаруй хувь нь энэ жил утсаа шинэчлэхгүй гэж хариулжээ.
Мөн оролцогчдын 13 орчим хувь нь Apple-ийн анхны эвхэгддэг загвар болох iPhone Duo-г хүлээж байгаа бол ердөө 6 хувь нь 2027 оны эхээр гарахаар хүлээгдэж буй үндсэн iPhone 18 загварыг авах сонирхолтой байжээ.
PhoneArena үүнийг iPhone 18 Pro-ийн эрэлт өмнөхөөс эрс буурсан гэх эхний таамгийг хэтрүүлсэн байж болзошгүй гэж дүгнэсэн байна. Гэхдээ уг санал асуулга нь PhoneArena-гийн уншигчдын дунд явагдсан тул Apple-ийн нийт зах зээлийн борлуулалтыг шууд төлөөлөхгүй юм.
|
Нийгэм
