ТАТАР МАЙДАР
Монгол Улсын баруун бүс нутагт хүрэн баавгай нэгэн малчин өрхийн 63 толгой хонь, ямааг 19 хонь, 44 ямаа) барьсан тухай Байгаль орчин, уур амьсгалын өөрчлөлтийн яамнаас мэдээллээ.
Энэхүү явдал өнгөрсөн баасан гарагт Баян-Өлгий аймгийн Бугат суманд гарсан бөгөөд хэргийн газраас зугтахыг оролдсон баавгайг анчид буудаж устгасан байна. Тухайн хэрэг тохиолдоход гэрт томчууд байгаагүй бөгөөд зөвхөн хүүхдүүд байсан байна. Азаар хүний амь насанд аюул тохиолдоогүй аж.
Сүүлийн саруудад Монгол орны суурьшлын бүсүүдэд баавгай үзэгдэх тохиолдол эрс нэмэгдэж байгаа тул эрх бүхий байгууллагуудаас иргэдийг сонор сэрэмжтэй байхыг анхааруулсаар байгаа юм.
Саяхан Улаанбаатар хот болон Дархан-Уул аймагт баавгай хүн рүү дайрсан ноцтой хэргүүд гарсан бөгөөд мэргэжилтнүүд үүнийг уур амьсгалын өөрчлөлт, идэш тэжээлийн хомсдол болон байгалийн нөөцийн зүй бус ашиглалттай холбон тайлбарлаж байна.
|
Нийгэм
