Б.УУГАНБАЯР
Шүүхийн шийдвэр гүйцэтгэх ерөнхий газрын харьяа Дархан-Уул аймаг дахь Шүүхийн шийдвэр гүйцэтгэх газар-445 дугаар нээлттэй хорих анги аймгийн Гэмт хэргээс урьдчилан сэргийлэх ажлыг зохицуулах зөвлөлийн санхүүжилтээр “Суллагдахад бэлтгэх байр”-ыг шинээр барьж, ашиглалтад орууллаа.
Нээлтийн үйл ажиллагаанд Дархан-Уул аймгийн Засаг дарга Б.Азжаргал, аймгийн Ерөнхий прокурор, хууль цаазын шадар зөвлөх Б.Ууганбаатар, Дархан-Уул аймгийн гэмт хэргээс урьдчилан сэргийлэх ажлыг зохицуулах салбар зөвлөлийн дарга А.Янжмаа болон салбар зөвлөлийн гишүүд оролцож, тус байрны үйл ажиллагаатай танилцлаа.
Энэхүү байрыг ашиглалтад оруулснаар хүмүүжигчдийг нийгэмд гарахад бэлтгэх, суллагдсаны дараа дахин гэмт хэрэг үйлдэхээс урьдчилан сэргийлэх, суралцах, ажил хөдөлмөр эрхлэх дадал хэвшүүлэх, сэтгэл зүйн туслалцаа үзүүлэх орчин нөхцөл бүрдэж байгаа юм.
|
Нийгэм
