Сөрөг хүчний зүгээс Ерөнхийлөгч болон өндөр албан тушаалтнуудыг авлигын хэрэгт буруутгасны дараа Монгол Улсын Ерөнхийлөгч Ухнаагийн Хүрэлсүх Мягмар гарагт огцрохоо мэдэгдсэн талаар олон улсын Reuters агентлаг мэдээллээ.
Тус агентлагийн мэдээлэлд дурдсанаар, Монголын сөрөг хүчин болох Ардчилсан нам эрх баригч Монгол Ардын Намын удирдлагуудыг авлига, танил талын сүлжээнд холбогдсон хэмээн буруутгасан юм.
“Ардчилсан намаас үнэн мөнийг тогтоохын тулд намайг үүрэгт ажлаасаа огцрох ёстой гэж мэдэгдсэн. Би үүнтэй санал нэг байна. Тиймээс би Монгол Улсын Ерөнхийлөгчийн бүрэн эрхээ шилжүүлэн өгнө. Би хуулийн байгууллагаар шалгуулж, нэр төрөө сэргээх болно” хэмээн У.Хүрэлсүх мэдэгдсэнийг Reuters уламжилжээ.
2021 онд Ерөнхийлөгчөөр сонгогдсон тэрээр өөрийнх нь эсрэг тулгаж буй буруутгалуудыг төрийн тэргүүнийг “гүтгэн доромжлох” зорилготой хэмээн тодорхойлоод, мөрдөн шалгах ажиллагаанд бүрэн хамтран ажиллахаа илэрхийлсэн байна. Монгол Улсын хуульд зааснаар Ерөнхийлөгчийн огцрох хүсэлтийг нэг танхимтай парламент болох 126 гишүүнтэй Улсын Их Хурал хэлэлцэж батлах ёстойг мөн дурджээ.
ТАТАР МАЙДАР






Улс төр



