02-р сарын 28-ний өдөр Москва хотод 28 настай Екатерина Доденко өөрийн төрсөн өдрөө найзуудтайгаа тэмдэглэжээ.
18 зочин цугласан энэ баярын үеэр золгүй явдал тохиож түүний нөхөр болон хоёр хүн амиа алдсан харамсалтай хэрэг гарчээ. Хэргийн учрыг тайлахад бассейнд 30 килограмм хуурай мөсийг асгаж улмаар тэр нь нүүрстөрөгчийн давхар исэл болж хувирсан байна. Өндөр концентраци бүхий нүүрстөрөгчийн давхар исэл нь хүнийг хоромхон зуурт ухаан алдуулдаг бөгөөд бассейнд байсан гурван хүн живсэн байна. Нэг сая гаруй дагагчтай блогер Екатерина Доденког цахим орчинд олон мянган хүн буруутгаж байна. Сонин сонирхолтой хэлбэрээр төрсөн өдрөө тэмдэглэх санаа гаргасан тэрээр харамсан уйлж буй бичлэгээ цацжээ.
