Их Британийн Дуглас хотноо болсон "FIDE Chess.com Grand Swiss 2019” шатрын тэмцээнээс Монгол Улсын гавьяат тамирчин, Их мастер Б.Мөнгөнтуул эмэгтэй шатарчдаас гуравдугаар байр эзэлжээ.
Уг тэмцээнд Магнус Карлсен, Фабиано Каруана, Вишванатан Ананд тэргүүтэй 133 олон улсын их мастер оролцсон байна. Тус тэмцээнд Монгол Улсын гавьяат тамирчин, их мастер Б.Мөнгөнтуул нийт 11 өрөг тоглосноос 2 хожиж, 6 тэнцэж, 3 хожигдож, 5 оноотойгоор эмэгтэйчүүд дундаа гуравдугаар байр эзэллээ. Мөн олон улсын чансаагаа 23-аар ахиулсан байна.
