БНХАУ-ын Юньнань мужийн Линьцан хотын ажилтан хархнаас халдварладаг хантавирусийн халдвараар нас баржээ.
Өнгөрсөн гуравдугаар сард нэг хүн хантавирусээр нас барсан тохиолдол тус улсад бүртгэгдэж байсан юм.
Хятадын анагаах ухааны мэргэжилтнүүдийн мэдээлснээр хантавирус нь биологийн аюултай, аминд халтай өвчнүүдийн дөрөвдүгээр түвшинд багтдаг бөгөөд хүнээс хүнд халдварлах тохиолдол маш ховор байдаг байна.
"Хантавирусээр үүсгэгддэг өвчний тархах эрсдлийг бусад халдварт өвчинтэй харьцуулахад бага байдаг” гэдгийг Гуандунь мужийн мужийн Халдварт өвчин судлалын газрын тэргүүн Бай Хунлянь онцолсон байна.
Уг вирус амьсгалын замын эрхтэн тогтолцоонд халдварласан тохиолдолд хамгийн аюултай бөгөөд уушгийг ноцтой гэмтээж, амьсгалын замын үйл ажиллагааг доголдуулдаг ажээ.
