Улаанбаатар Сонгдо эмнэлэгт өчигдөр коронавирусийн халдвар авсан гэх хоёр хүний тухай нилээдгүй шуугисан. Нэг нь энэ эмнэлэгт хавдрын эмчилгээ хийлгэж байсан 80 настан, нөгөөх нь уушгины үрэвсэлтэй гэх оноштой үзлэг шинжилгээ хийлгэж явсан 40 настай эрэгтэй хоёроос COVID-19 хурдавчилсан оношлуураар илэрсэн тухай ЭМЯ-аас мэдэгдсэн.
Харин өчигдөр шөнө 01 цаг орчимд баталгаат оношлуурын хариу гарч тус хоёр иргэнээс коронавирусийн халдвар илрээгүй гэдгийг ЭМЯ-ны Шуурхай дэд штабаас зарлалаа. Энэ тухай "УБ Сонгдо" эмнэлгийн захирал Б.Болдсайхан Твиттер хуудаснаа ийн жиргэжээ.
"Вирусгүй гарлаа. Гэхдээ өвдөөд эдгэсэн байх магадлалтай. Вирусийн эсрэг эсрэгтөрөгч үүссэн учир. Бусад шинжилгээнд хамрагдсан 40-өөд хүний хариу "сөрөг" гарсан гэжээ.
