Япон улсын Сайтама Варабишид байрлах улсын эмнэлэгт дөнгөж төрсөн нярайд коронавирусийн халдвар илэрчээ.
Хүүхэд эхээс мэндэлсний дараа дуу хоолой нь энгийн хэвийн бус байсан учир яаралтай вирусны шинжилгээ хийжээ. Харин эх хүү хоёрын шинжилгээ хоёул эерэг гарсан байна.
Тухайн эмнэлэгт хоёр эх баригч халдвар авсан байсан ба одоогоор хүү эхийн хэвлийд байхдаа халдвар авсан, эсвэл төрсний дараа халдвар авсан эсэхийг тогтоохоор ажиллаж байгаа юм байна.
Япон улсад 5 сарын 6 хүртэл Токио Сайтама, Чиба, Канагава, Фүкүока, Осака, Хиёого зэрэг хотуудад онцгой байдал зарласан. Тэгвэл эдгээр 7 хот дээр нэмээд Айчи Кэн, Киото, Хоккайдо гурван хот нэмэгдэж магадгүй байна.
