Улсын онцгой комиссын 21 дэх удаагийн хуралдаанаар Бүгд Найрамдах Энэтхэг улс руу захиалгат нислэг хийх боломж, нөхцөлийн талаар судалж, танилцуулах үүргийг холбогдох албан тушаалтнуудад өглөө.
Улсын Онцгой комиссын Шуурхай штаб болон Нийслэлийн Онцгой комиссын авч хэрэгжүүлж буй арга хэмжээний талаар тайлан мэдээллийг сонсож, гадаад улс орнууд руу дараагийн чартер нислэгүүдийг хийх нь зүйтэй гэж комиссын гишүүд үзлээ.
Монгол Улсын Ерөнхийлөгчийн санал болгосноор БНЭУ руу захиалгат нислэг хийх боломж, нөхцөлийн талаар судлах бөгөөд одоогийн байдлаар тус улсад манай улсын 500 гаруй иргэн байгаа юм.
