Орон даяар номын сангийн нэгдсэн систем нэвтэрч буйтай холбогдуулж, каталогч ном зүйчдэд Коха программд ном каталогжуулахад нь туслах гарын авлага боловсруулж байгаа билээ. Энэхүү ажлын хүрээнд "MARC21-RDA стандартын каталогжуулалтын цуврал сургалт”-д хамрагдсан каталогчдоосоо санал, зөвлөгөө авахаар тус хэлэлцүүлгийг зохион байгууллаа.
Хэлэлцүүлэгт нийтийн болон их дээд сургуулийн номын сангийн каталогчид оролцсон бөгөөд каталогжуулалтын ажил дээр тулгарч буй асуудлууд, цаашид анхаарах асуудлуудыг хөндсөн өндөр ач холбогдолтой хэлэлцүүлэг боллоо. Тус хэлэлцүүлгийн үр дүнд 6 ажлын хэсэг байгуулж, MARC21 форматыг илүү нарийн судлан "MARC21 форматын хялбаршуулсан монгол хэл дээрх гарын авлага" боловсруулах төлөвлөгөө гаргалаа.
