Баянзүрх дүүргийн 11 дүгээр хорооны нутаг дэвсгэр хуучнаар Баянзүрхийн товчооны уулзварт Налайхаас Улаанбаатар явах чиглэлийн замд өнөөдөр буюу тавдугаар сарын 5-ны өглөөний 08:20 цагийн орчимд зам тээврийн ноцтой осол гарлаа.
Ослоор Hino маркийн ачааны автомашин нь Volvo маркийн ачааны автомашин, Hyundai Porter, Toyota prius-30, Honda Insight маркийн автомашинуудыг мөргөж, ослын улмаас 4 хүн гэмтэж, Гэмтэл согог судлалын үндэсний төвд хүргэгдээд байна.
Hino маркийн автомашины жолооч 43 настай, эрэгтэй Б нь согтууруулах ундаа /драгер-2,24 %/ хэрэглэсэн үедээ тээврийн хэрэгсэл жолоодсоноор осол гаргажээ.
Иймд иргэд, жолооч та бүхэн согтууруулах ундааны зүйл хэрэглэсэн үедээ тээврийн хэрэгсэл жолоодохгүй байх, техникийн бүрэн бүтэн байдал, хурдыг тохируулж замын хөдөлгөөнд оролцохыг Тээврийн цагдаагийн албанаас анхааруулж байна.
Шууд үзэх: https://www.facebook.com/zugii/videos/812784872580526/
