Шинэ короновирусийн цар тахал гарсантай холбогдуулан цус цусан бүтээгдэхүүний нөөцийг тогтвортой байлгах зорилгоор тавдугаар сараас эхлэн Сүхбаатар цус цуглуулах төв нь бямба гараг бүр 09:00-14:00 хүртэл ажиллаж байна.
Өнгөрсөн бямба гарагуудад нийтдээ 110 донор цусаа бэлэглэж 300 гаруй хүнд амьдрал бэлэглэжээ.
Өндөржүүлсэн бэлэн байдалд шилжээд байгаа энэ үед нийгмийн хариуцлагаа ухамсарлаж цусаа бэлэглэх иргэнийхээ үүргийг тасралтгүй биелүүлсээр байгаа байгууллага, иргэд, донорууддаа ЦССҮТ-өөс талархал илэрхийлж, ард иргэдээ цусаа хандивлаж үйлсэд нэгдэхийг уриалж байгаа юм.
