Цаг үеийн мэдээ

        Сөүл хотын захад орших хорих төвийн харгалзагч коронавирусний халдвар авснаар нийслэл дэх шүүхүүдийн үйл ажиллагааг түр хугацаагаар хаажээ. Аньян хотын оршин суугч, 28 настай эрэгтэй нь Сөүлийн хойд хэсэг дэх Добонг дүүрэгт найзынхаа хуримд оролцсоны дараа халдвар авсан нь тогтоогджээ. Уг халдвар нь Итэвон дүүргийн шөнийн клубээр үйлчлүүлж улмаар халдвар тараасан хүнтэй холбоотой байгаа аж.

 

      Өмнөд Солонгосын Хууль зүйн яамны мэдээлснээр халдвар илэрсэн хорих төвийг түр хугацаагаар хааж, халдваргүйжүүлэлт хийж, 23 ажилтан, 254 хоригдлыг тусгаарласан байна. Харин халдвартай харгалзагчтай харилцсан бусад зургаан хүнд халдвар илрээгүй гэнэ.

 

Сөүлийн дүүргийн төв шүүх, Дээд шүүхийн өнөөдрийн шүүх хуралдаанууд хойшлогджээ.

                                                                                                                                                                                                                       Эх сурвалж: Yonhap

 

Таны сурталчилгаа