Дэлхийн бөмбөрцгийн хойд хагаст амьдардаг улс үндэстнүүдийн хувьд өвөл, хаврын цагт нарны гэрлийн шууд тусгал буурч, наргүй үеийн үргэлжлэх хугацаа нэмэгддэгийн улмаас бие махбодид шаардлагатай хэмжээний витамин Д үүсч чаддаггүй. Энэ нь ялангуяа дөнгөж төрсөн нярай, бага насны хүүхдүүдэд хамгийн ихээр нөлөөлдөг.
Д ВИТАМИН ДУТАГДСАНААР ЯМАР ӨВЧИН ҮҮСДЭГ ВЭ?
Д витамин дутагдсанаар рахит үүсэх нөхцөл бүрддэг. Мөн яс, үе мөчний эмгэг, чихрийн шижин, зүрх судасны эмгэгүүд, элэг, нойр булчирхайн эмгэгүүд гэх мэт 200 гаруй өвчин үүсгэдгээс гадна Д витамины дутгадал нь үргүйдэлд хүргэдэг болохыг эрдэмтэд нотолжээ. Өмнө нь Д витаминыг зөвхөн яс, эрхтний үйл ажиллагаанд хэрэгтэй гэж ойлгодог байсан. Гэтэл орчин үеийн судалгаа шинжилгээгээр Д витамин нь тархи, зүрх судас, хөх, нойр булчирхай, түрүү булчирхай, бүдүүн гэдэсний эд эрхтэнд байрлаж тэдгээр эрхтнүүдийн хэвийн үйл ажиллагааг зохицуулахад нэн тустай болох нь батлагдаад байна.
Д ВИТАМИН ДУТАГДАЛД ӨРТӨХ ЭРСДЭЛТЭЙ БҮЛГҮҮД
50-с дээш насныхан
Зохиомол гэрэлтүүлэг дор их ажилладаг хүмүүс
Нарны гэрэлд хангалттай байдаггүй дөнгөж төрсөн нярай
Д аминдэмийн дутагдалтай ээжээс төрсөн нярай
Хоол тэжээлийн дутагдалтай хүүхэд
Өвлийн улирал зонхилсон хойд бүс нутагт амьдардаг хүмүүс
Д ВИТАМИН ДУТАГДАЛ КОРОНАВИРУСТ ХАЛДВАРЫН ЭРСДЛИЙГ НЭМЭГДҮҮЛЖ БАЙНА
Хоол тэжээлийн мэргэжилтэн коронавирусний халдвар авсан өвчтөнд Д витамин хэр чухал болохыг тайлбарласан байна. Д аминдэмийн дутагдал нь коронавирусний хүнд хэлбэрийн халдвар авах эрсдэлийг 15% -иар нэмэгдүүлдэг болохыг тогтоожээ.
